प्रबोधिनी एकादशी

   प्रबोधिनी_एकादशी
-------------------------------
रूप पाहता तुझे विठ्ठला
मन माझे हरवुन गेले रे
तुझ्या भक्तीत माझे जीवन
आनंदीमय होऊन गेले..

रूप वर्णु किती तुझे रे
सख्या माझ्या पांडुरंगा
महती  गाऊ कशी तुझी
सांग  सख्या पांडुरंगा

नेत्र कमल तुझे , डोई
तुळशीची मंजिरी, कर्ण
आभुषणे मोंत्यांची , कटी
हात तुझ्या कमरेवरी....

आज पावनदिनी रे कान्हा
तुझ्यातच  हरवेसे वाटते
विसरून सारे जगताला
भक्तीत तुझ्या रमावेसे वाटते.

रूप पाहता तुझे रे विठ्ठला
कशाचीही आसक्ती न उरे
मुखी नाम  तुझे घेता सदा
विठ्ठल, विठ्ठल गाऊ वाटते..
==================
प्रबोधिना एकादशी निमित्त..
तुझा दास - श्रीधर कुलकर्णी*
तुझ्या चरणी अर्पण .. गोड
मानुन घे रे माझी ही शब्दसेवा.
==================
*लेखन :- श्रीधर कुलकर्णी*

श्री..ची..कविता : ६

    श्री..ची..कविता..६
------------------------------

ओठांवर आलेले शब्द तसेच सांडून जातात..
डोळ्यांत दाटलेले भाव तसेच विरून जातात..
मनात बैचेनता चे घर मांडले जातात..
तुला बोलायचे म्हणुन शब्द ही पळुन जातात..
डोळ्यात तुझ्या पाहात निशब्द होते मन माझे..
मनाची काहिलताही नकळतच जाणवते..
असंख्य शब्दात एक शब्द साथ न देती...
तुझ्या पुढे ते पण अबोला धरून बसती...
हावभाव चेहऱ्याचे तुझेच रूप सांगती..
तुझे प्रेम मिळावे म्हणुन ते धडपडती...
चलबिचल शब्दांची कसे स्थिर ठेऊ ...
प्रेमाचे शब्द पुढे कसे तरी मांडु......
वाटेवरच अडखळती  माझे चे शब्द..
केव्हा पोहचेल तुझ्यापुढे हाच माझा ध्यास.
त्या तीन शब्दांच्या किमयेसाठी किती मी आतुर..
प्रेम करतो तुझ्यावर हेच माझे सांगणे गं ...
तुझा श्री ची तुच भावना समजुन घे सखी..
कारण तुच आहेस श्री..ची..कवीची राणी....
============================
अधिकृत लेखन : श्रीधर कुलकर्णी

तुझेच रूप

           तुझेच_रूप
         ---------------

आसवलेल्या डोळ्यात दिसे तुझे रूप
पाणावलेल्या पापण्यात दिसे तुझे रूप
बंद नैत्र कटाक्षातही दिसे तुझेच  रूप
या डोळ्यात फक्त दिसे तुझेच रूप
पाहावे जिकडे तिथे राही तुझे रूप
दिशातही भासे मला हे तुझेच रूप
तुझे रूप माझ्यात भिनले असे जणु,
की दुधात साखर मिसळावी अशी जणु..
प्रत्येक रूपात भासे मला तुझेच रूप..
माझ्या सावलीतही भासे मला तुझेच रूप..
एक रूपच तुझे नयनात माझ्या बसले असे..
की तुझ्याशिवाय याला काही न दिसे.
तुझेच रूप मी माझ्यातच मला दिसे..
जणु कृष्णात राधेचे प्रतिबिंब तसे दिसे..
========================
*अधिकृत लेखन: श्रीधर कुलकर्णी*
======================

श्री ची कविता :-७

 श्री .. ची .कविता- ७
==================

रूप तुझे गं सजणी
या डोळ्यात मावत नाही
सुगंध तुझा असा सजणी
कुठल्या बागेत मिळत नाही
स्पर्श तुझा गं सजणी असा
मोहरते अंगी शहारे माझ्या
तुला भेटायची ओढ अशी की
वाऱ्यालाही हारवुन टाकावे
भेटीचा आनंद ही सजणी की
माझ्या हृद्यातही मावत नाही
आनंद या डोळ्यात सजणी
मावता मावु शकत नाही....
===============≠====
*_तुझा श्री.._*
         *कवी :- श्रीधर कुलकर्णी*
====================

बालदिन;आज कोवळ्या मनांचा

बालदिन : आज_कोवळ्या_मनांचा"
-------------------------------------------
निरागस ते कोवळे रूप
मन निर्मळ ते गोड स्वरूप
भगवंताचे ते आवडते फुल
असे गोड लहानांचे आज दिन

स्वच्छ ज्यांचे मन अंतकरण
शुध्द सात्विक भाव तयांचे
जगापासुन परे यांचे आयुष्य
वसतो ईश्वर याच्या अंतरी..

बालगोपाल ते  रूप वेगळे
मजही आज वाटे ते व्हावे
कमलमुखी तयांचे स्मितहास्य
बघता वाटे मज आत्मसमाधान..
----------------------------------------
*निरागस, गोड,कोमल, ज्यांची ओळख*
*आज त्यांच्या आवडता दिवस*
*त्यांना गोड गोड आर्शिवाद..*
=======================
अधिकृत लेखन :-   श्रीधर कुलकर्णी

तुझ्या स्पर्शातील भावना

तुझ्या स्पर्शातील भावना
-----------------------------------
तुझ्या स्पर्शातील त्या भावना, 
सारखी तुझीच जाणीव ठेवून जातात...
 कधी तुला पाहावेसे वाटले की,
 डोळे स्वतःहून मिटले जातात.
तुझ्या आठवणीचा तो सुखद क्षण
वारंवार भोवती फिरत असतात..
तु नसताना तुझा स्पर्श , 
     मला ते देऊन जातात.
---------------------------------------
*श्रीधर कुलकर्णी*

चला अधर्म रोखुया

   चला_अधर्म_रोखुया....
--------------------------------------
आजकालच्या परिस्थीतीला 
आपण सारे जबाबदार
हिंसा, अधर्म वाढवण्यात
आपण तेवढेच जबाबदार
विरोध नाही केला कधी याचा
नाही दिले कधी यास प्रत्युत्तर
दृष्टीसमोर घडुन अधर्म , जे
घडते ते निमुट पणे आपण
पाहण्यात असतो तल्लिन...
भगिनींवर होतो जेव्हा अत्याचार
तेव्हाही पाहण्यात सारे दंग
सरसावत नाही पाऊल कुणाचे
प्रतिकाराचे शस्त्र नाही उचलत
कोण ..या अन्यायाला पाठिंबा देण्यात 
आपणच सारे जबाबदार
धर्म जपण्या असतो आपण पुढे
अन्याय रोखण्यात का मागे
होत असेल हिंसा डोळ्यापुढे
प्रतिकार करण्यात असावे पुढे
समाजकंटकाचा नाश करण्यात 
यावे सर्वानी एकजुटीने सारे
संस्कृती , धर्म पालन करण्यास
हिंसा घडली तर ते नसते पाप
असे सांगते आपणास गीतावचन.
अत्याचार हा आपल्यावरला 
आपणच याला  दुर सारायाचा
त्याचा नायनाट करण्यात आपण
साऱ्यानीं एकजुटीने प्रयत्न करावा
धर्माची पताका रोवण्यात सदा
प्रयत्नशील राहावे..अन्यायाविरूध्द 
एकजुट होऊन समुळ याचा नाश करावे..

*चला धर्माची पताका उभारूया..*
*अधर्माला हद्दपार करूया...*
=======================
*अधिकृत लेखन:- श्रीधर कुलकर्णी*

श्री..ची..कविता ३

*श्री..ची..कविता - ३* 

-----------------------------

फक्त एक वचन सखी

सोडु नको  तु माझी साथ

तुझी प्रत्येक इच्छा मी

नक्की पुर्ण  करेन गं.. 

विश्वास ठेव तु सखी

तुझ्या  या साजणावरी

आपले हे प्रेमाचे बंध

बांधुया घट्ट हे रेशमाने.. 

तुझे रूप गोड गोजिरे

चांदणीसवे लखलखते

सौदर्यांची तु रूपकांता

फिके पडते जग हे सारे.. 

तुझ्यात जीव गुंतला

प्रेमाचा काटा रूतला

वर्णभेदी प्रेम बाणाने

हृदय माझे छेदिले .. 

तु माझी सखी, तुच राधा

तु शब्दांची डोर, तुच काव्य

तुझ्यापासुनच बनत जाते 

 *" श्री ची कविता"* ची ओळ

---------------------------------

 तुझा .. श्री  ..💕*

--------------------------------

     ✍🏻 श्रीधर कुलकर्णी

=================

श्री. ची कविता :२

    श्री.. ची कविता...२..

-----------------------------------       

    ✨.. झुमका .. ✨

हळुच माझ्याकडे बघुन सखी

काय दाखवण्याचा प्रयत्न तुझा

केश सारून, मान फिरवून 

 कानातले झुमके तर नव्हे..

ज्याला सोनेरी गोलाकार झालर

त्यावर शोभते मोत्यांची माळ

शोभनिय ती तुझ्या चेहऱ्याची.

हीच तर नव्हे किमया झुमक्याची... 

एक मोती तो खाली  लटकणारा

तुझ्या रूपाची तो महती सांगणारा

हळुच झुळुकासंग तो बहरणारा

त्याला पाहता मी घायाळ होणारा..

हळुच नकळत प्रयत्न दाखवण्याचा

त्यात पुरता  मी मोहुन जाण्याचा

तुझ्या डुलत्या झुमक्यामध्ये मी

नकळत त्याच्यासंगे डोलणारा.. 

झुमक्याची ही किमयाच न्यारी

उजळते अजुन ही सौंदर्यंवारी

झुमक्यात तुझ्या मोहरला श्री 

 नकळत केली त्याने झुमका वारी

 🌹

====================

  लेखन :श्रीधर कुलकर्णी..🖋

एक ओळ माझी..

एखादी ओळ माझी
 चंद्राची कोर होते
एखादी ओळ माझी
नाचणारा मोर होते,
 एखादी ओळ होते
ठुमकणारी वाट बनते
एखादी ओळ अशीही की
स्वतःशीच लाजुन हासते..
एखादी ओळ रूमाल बनुन
हळुच आपले डोळे पुसते
तर एखादी ओळ.माझी
केशरी जंतरमंतर करते..
एखादी ओळ प्रेमाची
 दोघातलं अंतर जुळवते
तर एखादी ओळ माझी
 फ़ुलपाखरा मागे धावते
 एखादी ओळ ज्योत बनुन
अंधारत दिवा लावते
तर  एखादी ओळ माझी ..
सरींमधे चिंब भिजवतें.
 एखादी ओळ माझी
आपलेच प्रतिबिंब बनवते..
तर एखादी ओळ  अशीही
माझे स्वरूप सांगुन जाते..
==================
*लेखन :- श्रीधर कुलकर्णी*
===================

एक कृष्णलिला

*💕" एक कृष्णलिला"*💕
-------------------------------------

एक गोपिका उदास बैठी
कान्हाची आठवणीत करीत
तळमळत राही, केव्हा 
येईल माझा कान्हा ह्या
इच्छेने ती तडफडत  राही...
बसता ती  नैत्र बंद करून 
तिजला एक रूप दिसे
डोई मोरपंख हाती बासरी
सजलेली दिसे ,मुखी तेज 
असे की अनंत सुर्याला ते 
लाजवे , बघता त्याचे रूप 
मनोहर सर्व देहभान हरपे..
एक प्रेमक्षण तो कान्हा
 गोपिकाला असा देऊन गेला , 
सारे आयुष्याचे तो तिचे
मनोरथ पुर्ण करून गेला..
नृत्यात रंगवुन प्रेमात भिजवुन
मनसोक्त आनंद कान्हा 
देऊन  गेला , उघडती नैत्र
जेव्हा तिच ..तेव्हा वाटे स्वप्न
तिला .. कळाले तिला सारे 
घडली माझ्यावरी कृष्णाची 
एक   *"कृष्णलिला"*
===================
*लेखन : श्रीधर कुलकर्णी*

श्री..ची..कविता :-५

*श्री .. ची.. कविता : ५*
----------------------------------
     *प्रेम दे मला प्रिये*

एक सोबतीचा क्षण तुझा
जीवन परिपुर्ण वाटे मला
तुझे हसणे पाहुन माझी गं
मनाची बैचेनता शांत वाटे..

तु सखी तुच माझी प्रिया गं
तु राणी माझी सजणी गं..
तु ही तुच माझी प्रेयसी गं
तुझेच गीत माझ्या ओठी गं..

अनंत तत्व  प्रेम हे माझे..
सखे तुझा असा मी प्रियकर.
घेऊन माझा हातात हात गं
घेऊन कर तु  मला प्रेमसमर्पण

तु शक्ती तुच माझी प्रेरणा..
तुझेच ध्येय ,ध्यास तुझा जीवना
प्रेमाची एक आस या जीवना
पुर्ण कर तु सखे मला प्रेम देऊन..
===================
तुझा .. श्री...💕
*श्रीधर कुलकर्णी*

श्री.ची कविता- १

*श्री ..ची कविता.. २*
-------------------:-D ------------------
तुझा साजन  हा वेळा खुळा
तुझीच वाट पाहात बसला
तु येशील हा त्याला विश्वास पुरा
तु आपल्याच विश्वात दंग सखी..

एकटा बसुन तो प्रतिक्षा करतो
हे वारा ही तुला सांगुन गेला..
तु नजर फिरवुन बघ एकदा
तुझा सखा तिथेच वाट पाहु लागला.

क्षण क्षण हे त्याचे चालले कसे
कसे सांगु त्या क्षणाची महती
तुझेच रूप घेऊन तो समोर..
तु येण्याचा क्षण तो वाट पाहती

सतावु नको तुझ्या सजणाला
तुझ्या प्रतिक्षेत तो हिरमुसला
जा भिगीसी , घे तु मिठीत त्याला
सोड त्याचा प्रतिक्षेची तपश्चर्या..
===================
*लेखन : श्रीधर कुलकर्णी*

श्री ची कविता ..४

  श्री ची कविता..४
------------------------------

तेजस्वी किरणें सुर्याची गं
शीतलता राही चंद्राची गं
मन प्रसन्न राहते यात गं 
येतो  जेव्हा तुझा भास गं

किरणाची शक्ती तुच गं
शीतलता ही तुझ्यात गं
जवळ असते तेव्हा  गं
होतो प्रेमसाक्षात्कार गं.

तुझ्या मोहात डुबलो गं
भान सारे विसरलो   गं 
तुझे रूप दिसे मज. गं
जिकडेतिकडे पाहता गं

मी तर भोळा प्रेमात गं
माझे प्रेमच भोळसर गं
तुझ्या या प्रेमासाठी गं 
जीव झुरतो  माझा गं 
==============
*श्रीधर कुलकर्णी*

कृष्ण लिला

💕      *कृष्णलिला*    💕
--------------------------------------
अरे कान्हा तु थांबलास का इथे
तुझी राधा निघाली रे त्या दिशेने
तु बघशील वाट इथे रे असाच
तुझी राधा जाईल रे न भेटताच
अरे कान्हा कसे सांगु तुजला रे
तु तर थांबला डोळे बंद करून रे
हातात घेऊन बासुरी वाजवतो का
तुला नाही भेटायचे का राधेला ..
अरे गड्या थांब जरा विश्रांती घे
माझ्या धुनस्वरात राधा येईल रे
बघ तु आता डोळे मिटुन रे गड्या
जेव्हा तु उघडशील तुझे नैत्र रे
तेव्हा तुला समजेल सर्वकाही रे
 वाजली बासरी ,मंत्रमुग्ध झाले सारे
राधेच्या पडता कानी ,साद ह्या मुरलीची
निघे राधा सर्व सोडुनी त्या दिशेने
नाचली राधा ,मुरलीच्या स्वरात..
सवंगडी ही मंत्रमुग्ध झाले त्या सुरात
बासरी थांबता राधा निघुन गेली
इकडे अजुन सवंगडी वाट तिचीच 
पाहु लागले.
*_कृष्णलिला_*
===========≠===========
*लेखन : श्रीधर कुलकर्णी*

काय सांगु देवा तुला तुझी महती

*काय सांगु देवा तुला तुझी महती*
---------------------------------------------
देवा तुला काय सांगु तुझी महती
किती तुझे रूप मी सदा भजती
तरी माझा पाठीराखा कुठं गेलासी
तुझ्या वाटेवरच माझे नैत्र असती
देवा तुला काय सांगु तुझी महती
अखंड ज्ञान झरा साठी तत्पर असतो
तुझी सेवा हेच माझे ध्येय मानतो
तुझी भक्ती हेच माझे पुर्ण जीवन
तुझ्यावरची भक्ती माझी कमी नाही होणार
काय सांगु देवा तुला माझी महती..
असा वर दे रे मला तुझा विसर न व्हावा
तुझ्या सानिध्यात मला देवा सामावुन घे ना.
मी तर तुझा तान्हुला घे मला पदरात
चुका झाल्या तरी मला घे देवा पदरात
तु रे माझा सखा ,तुझ्यातच पाहिले सारे
मित्र,नाते,जे असती तुझ्यातच पाहिले सारे.
काय सांगु देवा तुला तुझीच महती
तुझे गुण गाण्या माझे शब्द ही लाजती.
=====================
*काव्य :- श्रीधर कुलकर्णी*

एकांत काय असतो

एकांत काय असतो
--------------------------
एकांत काय असतो
कविमनाला विचारा
एकांत काय असतो
कविशब्दाला विचारा
एकांत काय असतो
कविभावना सांगेल
एकांत काय असतो
कविकलम  सांगेल
एकांत काय असतो
कविचे रूप सांगेल
एकांत काय असतो
कविशिवाय कोण सांगेल
एकांत काय असतो
हेच एक कवी असतो
एकांत या तीन शब्दांचे
कवीच वर्णन सांगेल
कवीचे मन हे एकांतच
तोच खोलवर हे सांगेल
एकांत या तीन शब्दांचा
कवीच शब्दांचा सागर
करेल ..तोच या शब्दांचा
खरा अर्थ सांगेल...
एकांत हा विरहाचे रूप
कवीच स्पष्ट करू शकेल..
एकांत या वाक्याचे
कवीच ओळख देऊ शकेल
शब्द कवीपासुन अलिप्त नसते
तर एकांत हा दुर कसा असेल...
====================
_लेखन : श्रीधर कुलकर्णी_

भिजलेली सजणी

 भिजलेली सजणी 
➖➖➖➖➖➖

गंध हा नवा ऋतुचा
बहर हा नवा प्रेमाचा
भिजलेल्या वाटेवर
संगम आपल्या प्रेमाचा.

स्वरूप हे नवे थाटे
हिरवळ ते नवे दिसे
मन माझे त्यात वसे
जिथे तुझे रूप हसे

भिजलेली ती वेली
हसणारी ती कळी
तुझे रूप सांगण्या
हट्ट करिती आळीपाळी

तुझे स्मितहास्य ते सखी
निसर्गही तुझी साथ देई
तुझे प्रसन्न रूप पाहुन
निसर्ग ही रूप दाखवी

तुझी भिजलेली देहकांती
नैत्र माझे तेच पाहती
माझ्यात मीच हरवलो ,
रंगुन तुझ्यात गेलो सजणी
=================
_लेखन :श्रीधर कुलकर्णी_💟

सुगंध हा तुझा प्रिये

सुगंध हा तुझा माझ्यात दरवळतो
तुझ्या प्रेमात जीव हा होरपळतो..

तुझा अन् माझ्या मीलनाची रात
सोबत जणु ही मधु अन् चंद्राची गं..

मिठीत घेऊन तुजला गं सजणी
हळुवार पायाने संक्रमण करू वाटतं

थंड शीतल गवतावर तु अन् मी
एकमेंकात  बुडुन जाऊ वाटतं..

तु हात प्रिये माझ्या कटिवर ठेवुन
तु माझ्यात हरपुन जा गं माझ्यात..

तुझे चित्त.व ध्यान माझ्यात लावुन गं
तुझ्या प्रेमाचा अमृत मजला दे गं...

सुगंध हा तुझा प्रिये माझ्यात रंगला
तुझ्यात माझा जीव भिजुन गेला ...
======================
*लेखन :  श्रीधर कुलकर्णी*

एक अपुर्ण इच्छा

माझ्या सखीची इच्छा
कधी पुर्ण होणार नाही
लांबुन का होईन पण
प्रेम जुळणार नाही

बोलता पटकन अबोला
हीच सखीची अदा..
म्हणुन मीच माघार
घेतलो सदा सर्वदा

कशाला त्रास तरी देयचा
कशाला स्वप्ने तरी देयचे
मी तर एकटा स्वप्न राजा
कशाला उगीच मध्ये घेयचे

श्रीधर...

एकांतीचा श्वास हेच दुर्भाग्य

मी तर वेडा एकटा
प्रेमात सदा भुकटा
कितीही करू मग
हा श्राप काही जाईना
फिरस्ता मी नभाचा
कधी उगवला कधी
मावळला ,कुणाची
नजर त्यावर येईना
प्रकाशही कवितेचा
दाहीदिशा पसरवतो
त्याचाच बुडाखाली
मग अंधार का जाणवतो
स्तब्ध हा त्याचा गुण
शब्द हे त्याचे अवगुण
चंद्र चांदणी कथा मागे
तिचाच चांदोमामा होतो
हेच या अभाग्याचे दुर्देव..
मी एकटाच होतो कालही
आहे आजही ,राहीन उद्याही
उगवता ,मावळता हेच काम
हेच याचे जीवन हेच याचे
प्रारब्ध...
----------------------------------
एकांतीचा श्वास हेच दुर्भाग्य
----------------------------------
~श्री~
*श्रीधर कुलकर्णी*

का अबोला सजणी

का अबोला सजणी
------------------------
कधी तु अबोलाची
सजणी होतेस
कधी तु विरहाची
अर्धागिणी होतेस
अगं वेडे मी तर तुझा
प्रिय सखा तुझ्या मागे
उभा, पण तुच आहेस
की,माझ्याकडे दुर्लक्ष
करीत आहेस.मी तर
तुझ्या प्रतिक्षेत उभा
कायमचा ..तुच आहेस
की माझ्याकडे बघतही
नाहीस.बघ एकदा तु
सखे ...मीच दिसेल
जेव्हा तु नैत्र बंद करशील
तेव्हा माझीच प्रतिमा
समोर दिसेल.
किती वेळ तु मौन
धरशील ,किती वेळ तु
अबोला धरशील,अगं वेडे
सतावु नको ,नाहीतर मी
जाईन आभाळापल्याड...
...............माझी सखी.

तुझा,.......श्री...
*श्रीधर कुलकर्णी*

असात हा एकांत

असाच हा एकांत.
जे नाही ते पण
आठवुन करून देणार
नाते आणखीन
घट्ट करणारा एकांत
प्रेम अधिक दृढ
करणारा हा एकांत
हा एकांच आहे जो
नात्याचे स्वरूप दाखवतो
हा एकांतच आहे जो
मैहफिल मध्ये ही
आठवणीचा सागर साठवतो
हा एकांतच आहे जो
नसेल त्यालात महत्व देतो
हा एकांत आहे जो सर्व
असुनही त्यात लुप्त होतो
हा एकांत जो माझा मित्र
असतो सदा सावली प्रमाणे
साथ

श्री...

माझा गणराया ये लवकर

माझा गणराया ये लवकर

----------------------------------०२-०९

नमस्कार तुजला गणराया
दर्शन दे रे मला गणराया
आतुर झाले माझे नैत्र
केव्हा येशील तु गणराया
मी रे तुझी वाट पाहातोय
तुझ्या वाटेकडे टक लावुन
बसलोय..येशील लवकर
हीच माझी विनवणी ...
या लाडक्या भक्ताची एेक
तु विनवणी..तुझ माझा मित्र
तुझ माझा सखा..तुला
पाहण्यासाठी जीव होई माझा
वेडापिसा.जाताना तु मला
रडवलास रे फार..येत नाही
का रे तुला माझी आठवन थोडीफार
जाताना दिली आठवण तु त्या
आठवणीचा सागर भरून गेलास तु
आता पुढच्या वर्षापर्यत हेच रे
तुझ्या आठवणीत जगायचे रे
आता लवकर ये ...उशीर नको करू
नाहीतर मी तुझ्यावर बघ मग रूसीन
ये बरं का लवकर  वेळ नको लावु
तोपर्यत मी करतो तुझ्या येण्याची
घाई...😥
-----------------------------------------
*लेखन : श्रीधर कुलकर्णी*

आता तरी उठा राव

आता तरी उठा राव
-------------------------

सकाळची किरणे आली.
आता तरी  उठा राव
पाखरे गेली कामाला
आता तरी उठा राव
कोंबडा दमला आरवुन
आता तरी उठा राव
सुर्य येत आहे डोक्यावर
आता तरी उठा राव
दिवस पळत आहे फास्ट
आता तरी उठा न राव
किती सांगायचे तुम्हाला
उठा उठा म्हणुन राव
आता हद्दच झाला बाबा
तरी उठत नाही राव
थांब आता आणतो मी
पाण्याची बादली राव
एेकुनच खाडकन उठले
पलंग सोडुन पळाले राव..
😅
----------------------------------
*☀ शुभ सकाळ*☀
*लेखन - श्रीधर कुलकर्णी*

माझ्या डोळ्या रूप तुझे

माझे डोळ्या रूप तुझे
---------------------------------०१-०९
माझ्या डोळ्यात रूप तुझे
माझ्या डोळ्यात प्रेम तुझे
बघ एकदा निरखुन तु
माझ्यात ही दिसेल तुच प्रिये
फक्त एकदा डोळ्यात बघ
जाणवेल तुला त्यात प्रेम माझे
तुझेच रूप या डोळ्यात
तुझीच प्रतिक्षा या डोळ्यात 
तुच यातली काजळ गं सये
अर्धकार तु त्यातली चांदणी प्रिये
त्यातली ज्योत ही तुझी सजणी
तुच या डोळ्यात वसलेली राणी
या डोळ्यातली तुच कविता
बघ एकदा नजर टाकुन सखी
तुझेच रूप दिसेल यात सजणी
====================
*तुझा....श्री..*                     !
*श्रीधर कुलकर्णी*               !

पाऊस माझा मित्र

*पाऊस माझा मित्र*
---------------------------
पाऊस पडतो रपरप
थेंबाचा आवाज टपटप
हुृ्द्यात वाजे धडधड
मन करे माझे बडबड
पावसाची सर कोसळल्या
तसे मन नाचुन घेई
मदमस्त ,सुरेख हे त्याचे
माझ्या हृद्याला स्पर्श करे
किती अनुभव हा वेगळे
रूप प्रेमाचे हे आगळे
हिरवळाची झालर बघु
मन माझे सैरवैर पळे
थेंबथेंबात हा अनुभव
मला सुखद स्पर्श करी
आभास हा त्या प्रेमाचा
पुन्हा उजागर करून टाके
गुंग झालो मी आज ह्यात
पाऊस हा जणु मित्र
घेऊन आला मजसाठी तो
प्रेम सुखाचा आनंद तो..😊
----------------------------------
*कवी : श्रीधर कुलकर्णी*

महालक्ष्मींचे स्वागत

*महालक्ष्मीचे स्वागत*
-----------------------------

सुर्याची किरणे आज
थाटलें माझ्यात
महालक्ष्मीं सण हा
करेन आनंदात
तिचे स्वागत मी
फुलांमाळ्यात करीन
तिचे स्वागत मी
आज आनंदात करीन
दारात सडा रांगोळी
पाट ठेवुन तिच्यासाठी
वाजत गाजत आणेन तिला
स्वागत आनंदात करीन
तिचे.
सण हा नवचैतन्याचा
घरात नांदे सुख शांतीचा
आज  या आनंदाला
बहिणभावाच्या मिलनाला
आपण आहोत साक्षीला.
करुया सोहळा हा आनंदाचा
महालक्ष्मीच्या या सणाला..
--------------------------------------
*🖋कवी : श्रीधर कुलकर्णी*
________________________

मी एकटाच बोलतो

मी एकटा बोलतो
----------------------
मी आपलाच बोलतो
एकटाच गुणगुणतो
दोन शब्द एेकण्यासाठी
मीच सदैव तळमळ तो

तिचा सहवास म्हणजे
एक असे विरहप्रितिक्षा
एक शब्द मला देऊन
गायब होते अचानक..

मीच बोलतो मी विचारतो
तिसुध्दा मलाच विचारते
मग मीच बोलायचे तर
आपले कशाला मानायचे
😞
-----------------------------
 कवी :- श्रीधर..कुलकर्णी.

माझा एकांत

माझा एकांत
______________

माझा एकांत मज
मला खुप सळतो
सुख ही माझ्याकडे
पाठ दाखवुन पळतो

प्रेम मला खुपच जड
मला प्रेमाची आहे नड
एकांतीचे विष मी रोज
पितो..तिचा हात कधी
नाही सरसावत.....

एकटेपणाचे ओझे वाहु किती
ती फक्त माझी चेष्टा करती
दोनच शब्द माझे आयुष्य
तेवढे पण तिला जमत नाही
का बरं..

सांगतो मी तिला असे का गं
तरी मनी घेत नाही माझे बोल
आता नाही बोलणार मी कसला
आता फक्त उरला  मी आणि
माझा एकांत.,...😞
---------------------------------
कवी :-  श्रीधर कुलकर्णी...🌿

प्रेम म्हणजे....

     प्रेम म्हणजे...
----------------------------

प्रेम म्हणजे तोच तारा
जो तुझ्या प्रेमात पडतो
आणि पुन्हा त्यातच तो
प्रेम हा मागतो ....
प्रेम म्हणजे रोहिणी
जिच्यामागे चंद्र अधीर
दुर असुन ही चंद्र तरी
प्रेमात रोहिणी ही चमचमे..
प्रेम म्हणजे अशी नजर
जी असंख्य तारकात
आपल्याच रोहिणीवर
नजर त्याची जाणारी...
प्रेम म्हणजे एक विश्वास
असेल दुरावा तरी नात्यात
जवळीकता..अन् त्या
नात्यात एक विशेष
कटिबध्दता...
प्रेम म्हणजे अतुट धागा
रेशमाच्या बंधात जोडलेला
कितीही नाजुक असला तरी
कशानेही न तुटणारा...
प्रेम म्हणजे एक भरारी
जी प्रेमपंखाने उडते
तिचा हात घेऊन तो
आसंमतात सैरवैर धावे
प्रेम म्हणजे स्पष्टता
जी शब्दात असती.
विश्वास असुन अंतरी
मुखी सत्य वदणारी
प्रेम म्हणजे एक नातं
दे राधा कृष्ण मांडत
त्याची बासरीवर राधा
कान्हात भान हरपुन जातं
प्रेम म्हणजे काय किती सांगु
जेवढे शब्द वापरू तेच कमी .
विश्वास,स्पष्टता,आणि आपुलकी
हेच आधारस्तंभ असते प्रेमाचे.

तुझा ...श्री...💞
------------------------------
*लेखन: श्रीधर कुलकर्णी*

तु भेटलीस त्या वाटेवर

---------------------------------
तू भेटलीस त्या वाटेवर
सगळीकडे प्रेमच होतं
कुणास ठाऊक तुझं माझ्यावर
कुठल्या जन्माचं ऋण होतं...

ज्या वाटेवर भेटलीस तु
त्यावर अथांग एकांत होता.
तुझ्या आभासाने त्यावाटा
नव्याने पल्लवित होऊन उटल्या

फुलांच्या वाटा जणु प्रेम रस्ते
असे घडले हे अनोखे नाते..
तुझे अन् माझे हे प्रेमच असे
जे कुणालाही हवहवसे वाटे.

कवी  :-  श्रीधर कुलकर्णी*
-------------------------------------

अनंतजन्माचे प्रेम

   अनंतजन्माचे प्रेम
=====Shri======
काही स्पर्श मज जाणवतात
काही भावना मनी उमटतात
संग प्रिये तुझी  सोबत गं
अनंतजन्म मी चालत राहु.

नजराच्या वाटेतुन सुटतो
एक अनोखा बाण  तुझ्या
माझ्या हृद्यावरती धडकतो
प्रेमाचा आभास होतो तेव्हा

एकच इशारा तुझा जाणुन
सोडले माझे मन ही त्यात
गुंतुन गेले सर्व वाटा
प्रेमाचा चौक असतो त्याला

अश्या काही भावना उमटती
जणु चांदण्या अमृताच्या धारा
 सोडी, बंद करूनी नेत्र माझे,
प्रेमात मजला न्हाऊन सोडी

तुझ्या माझ्या भावनेला जोड
याची,अनोखे बंध ,प्रीत प्रेमाची
बंधन विश्वासाचे,नाते मनाचे
आपले प्रेम हे अनंत जन्माचे
--------------------------------------
*लेखन:श्रीधर कुलकर्णी
________________________

काहीच कळेना काय झाले

काहीच कळेना काय झाले
=======Shri=======

काहीच कळेना काय झाले
आज मी पुरता गोंधाळलो
सुचेना मला कसे घडले
अचानक मनमाझे गडबडले
वाटा त वाटा जश्या गुंतल्या
तसा गुंतुन गेलो काही..
गुंतडा धाग्याचा होऊन बसला
तसे गुंतले आज मन माझे
विचाराची ताकद राहिले कुठे
अंतरी फक्त काहुर उठे..
वेडेपिसा झाला जीव माझा
तरी उकल मनी काही लागेना.
भेटलीस तु जशी मला..तसा
मी विसरून गेलो मज मला
तुझे विचारांचे वादळ उठुन
का सतावते आज मला..
काहीच कळेना काय झाले
वादळ मनात कसे उठले
पाहिले तुला जसे मी ..मग
वादळाचे.शमन कसे झाले
काहीच कळेना काय झाले
मन का तुझ्यातच राहिले
असंख्य विचारांच्या वादळात
तुझेच वादळ का भोवती
घुटमळे ..कसे झाले काहीच
कळेना .कसे घडले काहीच 
सुचेना...विचारांचे थैमान 
सुटले डोक्यात ..लागण
मला प्रेमाची झाली तर नाही
ना..काहीच कळेना काय झाले..
तुझ्या प्रेमात सर्व वाहुन गेले.
-------------------------------------
*लेखन :- श्रीधर कुलकर्णी*📝
_______________________

तुझा सहवास

तुझा सहवास
-----------------
तुझा सहवास
मज भासे...
तुझा आभास
मज वाटे...
वाटे तुझा
मज ध्यास
माझे हृद्य वाटे
तुज परके..
येईल तो क्षण
तुज वाटे असे ..
केले मी ज्यास
परके...
येईल तुजला
आठवण माझी
तेव्हा फक्त राहिल
मी आठवणीती
मुर्ती.....
__________________
लेखन:-श्रीधर कुलकर्णी

शब्द कागदी उतरतात

® शब्द कागदी उतरतात
_____________________

शब्द हे अंतरी प्रकटतात
भाव हे मनी उमटतात
मंथन होऊन ह्या शब्दांचे
शब्दांचे मोती सापडतात
बोल होऊन ह्याचे सर्व
तेच शब्द कागदी उतरतात.
मी काहीच नाही करत 
मी शब्दही  नाही शोधत
येतो मनी भाव असा तेव्हा
त्यात शब्दांचेशब्द घुसमळतात
आल्हाद शब्दांचे किरणे येऊन
कलमात माझ्या मंथन करतात
त्याच मार्गाने जाऊन ते
तेच शब्द कागदी उतरतात..
मनावर ताण येतो जेव्हा
हलके शब्द जागे होते तेव्हा
एकांतपणाचे राग घेऊनी
शब्द हे कागदी उतरतात
बसल्या बसल्या नेत्र मिटुन
मनात विचारांचा काहुर उटतो
काहुरात शब्दांचे मंथन होऊन
शब्द तेच कागदी उतरतात..
हातात घेता गुलाबाचे फुल
फुलांचे शब्द असे प्रकटतात
होते मनात प्रेम जागे...
तेच शब्द कागदी उतरतात
असच चालताबोलता सचते
काही,विचारांचे थवे उडतात
जणु काही,असंख्य शब्दातुन
असे शब्द कागदी उतरवताना
मन कसे माझे भरून येई.
कवितेचा हाच छंद,कवितेचा
हाच गंध,कविंमनाचा हात तरंग
शब्दाचे काव्य कागदी उतरतात
तेव्हा माझे जीवन ..प्रेम,मैत्र,
मायाने  ,जीवन माझे बहरते..
---------------------------------------
लेखन : श्रीधर कुलकर्णी 
१६..०८..२०१७
====================

आमची मैत्री

  ❄ आमची मैत्री ❄
………………………
मैत्रीचे हे अनोखे रंग 
त्यात आमचे जीवन दंग 
मित्राचे हे हृदय मोठे 
त्यात आमचे स्थान मोठे 

भेटायची ही असते ओढ 
क्षणाेक्षणी  आठवण काढत 
विसर   आम्हां या जगताचा 
 जग हे आमचे सहवासाचं

असते असे हे जग वेगळे 
सुखाचे क्षण असतात सगळे 
देवाची ही किमया सारी 
मित्रत्वाची दुनियाच न्यारी 

मित्रांचा हा प्रेमळ सहवास 
त्यांच्या हृदयांत आमचे निवास 
असतात मित्र असे हे खास 
येई त्यात मित्रत्वाचा सुवास 

काय सांगू, किती सांगु 
मित्रांची ही कीर्ती 
हा क्षण मिळवण्यासाठी 
कृष्णालाही यावे लागते 
धरती.. 
…………………………………
® कवि:- श्रीधर कुलकर्णी

माझ्य भावनातली कविता

माझ्या भावनातली कविता
----------------- s ---------------
कशी आली कळली नाही
केव्हा आली समजली नाही
आली तेव्हा वेगळी आली
शब्दाची जत्रा घेऊनच आली

शिरली कशी मनात माझ्या
सौंदर्य झळकले जीवनी माझ्या
व्यापुन गेला माझा आसमंत हा
बहरून गेला माझा आशियाना हा

तिच्या येण्याने गेले जीवन बदलुन
सहवासात बदलले प्रेमाचे स्वरूप 
अशी माझी भावनातुन प्रकटली 
भाव माझे अन् *भावनातली कविता*
=====================
®कवी..श्रीधर कुलकर्णी

संगीतप्रेमी

===============
*संगीतप्रेमी*
===============

संगीत ही श्वास माझा
संगीत ही ध्यास माझा
संगीतात जीवन माझे
संगीताचे प्रेम निराळे

सुर तो निरागस वाटे
भावभक्तीचा सुगम थाटे
नवजुन्याची रांग लागे
कर्णात माझ्या भल्यापहाटे

आत्मिक शांतता संगीताची न्यारी
प्रसन्नतेची वाटे दुनिया ही सारी
संगीत जणु नयनात साचे
सगळीकडे प्रेमचप्रेम नाचे

लय,ताल,ते संगीत बहारे
तालावर माझे उठती शहारे
पसरला तो गंध दाहीदिशा.
संगीताच्या वाऱ्यात सर्व
न्हाऊन हे जग निघे.......
------------------------------------
© श्रीधर कुलकर्णी*
_______________________

मनातले भावना

===============
   मनातले भावना
===============
       __Shri__
न सांगताच कळे तुला
कसा तुला माझा इशारा
न बोलताच समजे तुला
माझ्या मनातले भावना..

नाही केले मी हावभाव.
मग कसे तुज कळले गं
हावभाव न पाहताच गं
कसे कळले मनातले 
भावना गं...

किती ओढ तुला माझी गं
नाही त्यात काही कमी गं
तुझ्या ह्या प्रेमापुढे गं .जागे
झाले मनातले भावना गं..

माझ्या भावना तुझ्यात गं
तुझ्या भावना माझ्यात गं
गुंतल्या जणु अश्या गं.की,
झाले एकच भावना गं...
---------------------------------
*© श्रीधर कुलकर्णी*
_____________________

मित्रत्वाचे नाते

*मित्रत्वाचे नाते*
============

सुख असो वा दुख 
दिले साथ मजला तु
जीवनच्या वाटेवर 
मैत्री निभावलास तु

क्षण असो कोणताही
त्यात तु असतोस
आले संकट कितीही 
माझ्यासवे राहीलास तु

मित्रत्वाचे नाते जपता
नाही सोडली कसर तु
माझे दुखही स्वतावर घेता
नाही विलंब ही केलास तु

मित्रनाते कसे असावे मी 
तुझ्याकडुन शिकलो,
झाले जग जरी परके पण
मित्रत्वाचे नाते जपलेस तु.

*मित्रदिनाच्या हार्दिक शुभेच्छा*
➖➖➖➖➖➖➖
*©श्रीधर कुलकर्णी*

संस्काराची जपवणुक

  संस्काराची जपवणुक
_______Shri________


संस्कार म्हणजे काय ? हा प्रश्नच पडला कसा काही कळेना पण सहजच मागील दिवसाची आठवण झाली..कसे संस्कार शिकवले जायचे..बसावे कसे,बोलावे कसे,खावे कसे,राहावे कसे हे सर्व संस्कारात शिकवले जायचे.व संध्या,शुभंकरोती प्रार्थना ह्याचेही उपक्रम चालायचे.उपक्रम म्हणजे नित्यक्रमच असायचे ते.जसे जसे युग सरकु लागले तसे यातील एकएक भाग बंद होत गेले व सर्व अॅडवांस होऊन बसले.मुलांना रात्री झोपताना मस्त परिकथा व छानछान गोष्टी सांगायचे ते पण आता जवळजवळ बंद होत चालले आहे. पण  पुर्ण संपले नाही तर काही ठिकाणी अजुनही हे नित्यक्रम चालु असतात.रण काही ठिकाणी ओढ कमी झालेली दिसते.प्रत्येकावर कामाचा बोझा एवढा वाढला आहे की,मुले ट्युशन मध्ये व्यस्त ,आईवडील कामात तर आजीआजोबा कधी कामात तर कधी आजकाल गावाकडेच असतात.मुलांचा व आजीआजोबांची भेटच सहासहामहिने होत नाही.तर दिनक्रम कसा येईल ..असो
प्रत्येक युग हे नवीन जीवन व विचार घेऊन येतो .व त्याप्रमाणे सर्व चालत असते.पण याचा अर्थ असा नव्हे .. आपली संस्कार व संस्कृती चा ठेवा हा प्रत्येकाला जपलाच पाहिजे .. बिझी शेड्युल्ड मधुन थोडा वेळ काढुन सर्व परिवार सदस्याने ती जपली पाहिजे. निदान रोज नाही तर आठवडातुन एक दिवस तरी याला दिला पाहिजे.व आपल्यावर वडीलधाऱ्यांचे आर्शिवाद हे असलेच पाहिजे व त्यांचा सहवास ही असला पाहिजे म्हणजे जुन्या संस्काराचा ठेवा आपल्याला वेळोवेळी मिळत राहिल व आपले संस्कार हे अधिकच दृढ होईल.
_____________________®
*लेखन :- श्रीधर कुलकर्णी*
स्वलिखित.. नाव खोडु नका..

सायंकाळ

   सायंकाळ
___________🌅

किरणे झाले सोनेरी पिवळे
सायंकाळची जणु ती झालर
भुईवर पडता पांघरलो मी
प्रेमानंदाचा विसावा घेतला मी

हळुवार दौड ती रवीची
जाण्या पर्वता पल्याड
चंद्राचीही  गडबड दिसती
मज,  बाहेर येण्यासाठी..

काय सुंदर अशी शोभा वर्णु
वाटे स्वर्ग भुईवरचा जणु
काय जादु त्या किरणात
माझे मन त्यात गुतुंन जाई
__________________®
*लेखन :- श्रीधर कुलकर्णी*

मी तुझा .. तु माझी

    मी तुझा .. तु माझी
-----------Shri------------

तुझा गंध तुझा सुगंध
तुझी प्रीत तुझे गीत
तुझे पाहणे तुझे लाजणे
त्याला पाहुन प्रेम बहरने

प्रेम तुझे असे साजरे
डोईवरी देखने गजरे
रूप तुझे फुलले गोजिरे
पाहुन मी घायाळ साजने

केसात तुझ्या जाई फुलले
प्रेमकळी आपोआप उमलले
तुझ्या कुशीत बहरले प्रेम
त्यात माझे मन विसावले..

तुझ्या सोबत प्रवास सजणी
जीवनाची कमी तु पुर्ण करी
प्रेम कर फक्त माझ्यावरी
तुझे जीवन मी सुखाने भरीन..

सारे जीवन तुझ्यात गुतुंन
तुझाच फक्त विचार करीन
तुझे सुखच ध्येय ठेवुन
जीवन तुझे सोने करीन...
             
तु माझी..मी तुझा..श्री..
____________________®
© लेखन:-श्रीधर कुलकर्णी

तुमचे आमचे नाते

तुमचे आमचे नाते
________________

तुमचे आमचे नाते
नाते असते मनाचे
असावा त्यात गोडवा
नसावा त्यात कटुता

विश्वासाचे हे नाते
जपावा ते प्रेमाने
असो मैलाचा दुरावा
नसे फक्त तो मनाचा

मिसळुन जावे असे
जसे दुधात साखर..
असावा कडुही गंध
प्रेमाचा असावा वाद

किती ओढ असते ह्यात
काही दाखवण्यासाठी
कसे घट्ट जुळतात .
 ह्या रेशीम-बंद गाठी

प्रेमाचा स्पर्श असलेली
विश्वासाने जपणारी
आयुष्यात जपले पाहिजे
तुमचे नी आमचे नाते..
*----------------------*
©® श्रीधर कुलकर्णी

प्रेमाची नगरी

प्रेमाची_नगरी
__________________
कधी वाटतं शांत बसावं
कधी वाटतं उंच उडावं
कधी वाटतं मुक्त हसावं
कधी रडावसं ही वाटतं
कधी दुर जाऊ वाटतं
कधी स्तब्ध बसु वाटतं
असे का वाटतयं कळेना
जीवाची घालमेल पळेना
कावराबावरा जीव झाला
हृदयाचे ठोके बैचेन झाले
अचानक मन जागे झाले
एका वेगळ्याच दुनियेत
सैरवैर पळत सुटले..
नाही कुठे थांबा तर नाही
कुठे विश्रांती.पळत सुटला
एका नगरात पोहचला...
तिथे जाऊन तो मोहुन गेला
 नगरी पाहुन तो अचंबित झाला
रम्यता पाहुन त्याने आ वासला
त्याला कळले की तो त्या नगरीत
पुरता प्रेमाने ग्रासुन गेला....
_______________________
© श्रीधर कुलकर्णी..
काव्यमंच ग्रुप

प्रपोज डे

🌹🌹प्रपोज डे    🌹🌹
……………………………
आजचा दिवस आहे खास
केला तुझ्या हृदयात वास
घडला मला तुझा सहवास
घेतला मी आज प्रेमाचा श्वास

पाहिले तुला जेव्हा पहिल्यांदा
विसरून गेलो मी कामधंदा
एकच ध्येय राहीले आयुष्याला
तुला आपलेसे बनवायला

पाहातच राहिलो तुझ्याकडे
देहभान ही विसरून गेले
शुध्द फक्त एकच राहीली
तुला आपलेसे बनवायची

वाट पाहत बसलो तुझी
तुझ्या त्या वाटेवर सजणी
वाटले बोलावे आता तुला
पण भिती वाटुन राहीली सजणी

तु काय म्हणशील याचा विचार
कसा करू मी प्रेमाचा साक्षात्कार
केला निर्धार आता बोलण्याचा
तो दिवस होता प्रपोज डे चा

गुलाब हातात घेऊन उभा
 वाटेवर  थांबलो मी तुझ्या
समोर दिसता तिचा चेहरा
गुलाब देऊन प्रपोज केले तिला …🌹
………………………………………
🌹©🖊 श्रीधर कुलकर्णी🌹🌹

मोकळा श्वास

मोकळा श्वास
…………………………

बसलो मी आज निवांत
परिसर ही होता निरवशांत
सर्वापासुन वेगळा हा क्षण
घेत आहे मी आज मोकळा
श्वास

दिवसभराची ती धावपळ
कामाची ही सदा पळापळ
प्रत्येक क्षण ही वाटे बंधन
सोडून सर्व आज घेत आहे
मोकळा श्वास

आरडाओरड नेहमी प्रपंचाची
बाहेरही तणाव तो नेहमीचा
सर्वाना सोडून मागे आज
घेत आहे आज मी मोकळा
श्वास

आलो सर्वापासुन आज दूर
नावावर करुन एक दिवस
सोडुन ती कटकट नेहमीची
घेत आहे आज मी सुखाचा
*मोकळा श्वास*
……………………………
©🖊 श्रीधर कुलकर्णी

माझे दुर्देव

माझे दुर्देव
………………………………
उभारी ती जीवनाची
मला काही सापडेना
अडचणीचे थे काळे ढग
दूर काही जाता जाईना

यशाचा तो मार्ग
मला काही सापडेना
प्रयत्न करूनही
सुखाचे दारे उघडेना

आटापिटा हा दिवसाचा
करून मी थकलो
कोणता मार्ग मी धरू
त्यात कमी पडलो

डोक्यात विचारांची गर्दी
दूर काही सरता सरेना
अपार कष्ट करून ही
यशाची पायरी सापडेना

काय म्हणावं याला कळेना
नशिबाने मांडली अशी थट्टा
की,हातातल्या रेषेचे माझ्या
दुर्देव काही जाता जाईना
😞
………………………………………
*©📝 श्रीधर कुलकर्णी*

बायकोचा वैताग

बायकोचा वैताग-
…………………………………………
किती तुला समजावू गं
कसे डोक्यात शब्द घालू
आपलेच लावले तू रडगाणे
माझे का एेकना झाली गं

विनवणी करून थकलो तुझी
समजावून मी दमलो आता
उघड आतातरी कानाचे पडदे
थोडं एेकुन घे तरी आता

आपलीच मनमानी असते तुझी
नवरा म्हणजे वाटतो पायपुसनी
का करतेस येड्यासारखी तू
नवर्याचं थोडं एेक न ग तू

काय करू आता सांग मी
कशी समजूत काढू सांग तू
एवढा मनस्ताप बरा नव्हे गं
शांत डोक्याने विचार कर गं तू

आता हद्द झाली तुझी बरं का
कंटाळलो मी आता समजलेका
आता नाही करणार तुझी विनवणी
पाजतोच तुला आता सवतीचं पाणी
………………………………………
©🖊 श्रीधर कुलकर्णी

समाजात आला हा द्वेष
जातीभेदाचे घडते राजकारण
गोरगरीब, सत्य जगत हे
बर्बाद करतात समाजकटंक

आपसी मतभेद चा विळखा
परसला सर्वत्र कलि काळोखा
परस्परविरोधी हे जागोजागी
त्यात फायदा घेती दहशतवादी

समाज हा चालला अधोगती
अधर्मापुढे घेत आहेत शरणागती
भ्रष्टाचाराचा कहर गाठला
दुराचाराचा गगन व्यापला

हित अहिताचे कोणा कळेना
कसे वागावे कुणा वळेना
बघुन हे हृदय कळवळे
डोळ्यात साठते पाण्याचे तळे
😥

©🖊 श्रीधर कुलकर्णी

बालपणीचे मित्र

*बालपणीचे मित्र*
________________________
बालपणीचे मित्र आज भेटले
कंठ आठवणीचे दाटून आले
गहिवरून आले प्रेम सर्वांचे
डोळ्यात उघडले अश्रूचे दारे

खेळ ते आपले आपुलकीचे
भांडणे ते आपले प्रेमाचे
सैरवैर जीवन हे बालपणीचे
सवंगडी आपण त्या दिवसाचे

रानावनातली ती मौजमजा
ओढावड्यातला तो आनंद
येताच तो क्षण डोळ्यापुढे
आठवणीचा पुर जागा होई

होते दिवस ते खुप वेगळे
जग आपले होतेच वेगळे
सरले दिवस गुंतलो संसारात
राहिले फक्‍त आठवणीचे धुके
________________________
*©🖊 श्रीधर कुलकर्णी*

बालपणीचे

*बालपणीचे मित्र*
________________________
बालपणीचे मित्र आज भेटले
कंठ आठवणीचे दाटून आले
गहिवरून आले प्रेम सर्वांचे
डोळ्यात उघडले अश्रूचे दारे

खेळ ते आपले आपुलकीचे
भांडणे ते आपले प्रेमाचे
सैरवैर जीवन हे बालपणीचे
सवंगडी आपण त्या दिवसाचे

रानावनातली ती मौजमजा
ओढावड्यातला तो आनंद
येताच तो क्षण डोळ्यापुढे
आठवणीचा पुर जागा होई

होते दिवस ते खुप वेगळे
जग आपले होतेच वेगळे
सरले दिवस गुंतलो संसारात
राहिले फक्‍त आठवणीचे धुके
________________________
*©🖊 श्रीधर कुलकर्णी*

प्रिय पत्नी

*प्रिय पत्नी*
………………………………………
संग हा तुझा विश्वास प्रिये
जीवन माझे हे सुखमय करी
तुझ्या माझ्या या नात्याला गं
कुणाची वाईट नजर ना लागो

तुझ्या सोबत हा संसार करून
जीवन माझे सार्थक झाले
तुझ्या पदस्पर्शाने घरात
माझ्या सुख आनंद खेळु लागले

तुझे वास्तव्य जणू लक्ष्मी
जाईल घरातील अवलक्ष्मी
तुझ्या सहवासाचे अमृत हे
गोकुळ थाटले घरात माझ्या

पुण्याई भेटली अशी सहचारीणी
तिच्या येण्याने पसरली सुगंध कस्तूरी
संसार हा घडवील ती सोन्याहुन पिवळा
नशिबाने भेटली मला अशी *प्रियपत्नी*
…………………………………………
*© 🖊श्रीधर कुलकर्णी*

नववर्षाचे अभिनंदन

*नववर्षाचे अभिनंदन*
🌞🌞🌞🌞🌞🌞🌞🌞
झाले आगमन नववर्षाचे
स्वागत करूया सहर्षाने
मिळो नवे नाती प्रेमाचे
वर्ष जावे आनंदाने

नव्या पहाटेची ही वेळ
सुर्याची ही नवी किरणे
पडो आम्हातुम्हासर्वावर
किरणातुन व्हावे सुखाचे
आगमन

सोडुन सर्व द्वेष मतभेद
आपलेसे करावे सर्वजण
या वर्षात नव्याने बांधून
धरावे ते घट्ट धरून

आनंदात जावा ही सदिच्छा
पूर्ण व्हावे ही इच्छा
नवि वर्षाची नवी ही सकाळ
जीवनात येऊ दे आनंदाचा
सुकाळ
………………………………………
*☀ नववर्षाभिनंदन ☀*
______________________
*© 🖊 श्रीधर कुलकर्णी &परिवार*
🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻