राघुंची शाळा

राघुंची शाळा
------------------

शाळा सुटली निघालो घरी
वाटेत दिसले झाड एक असे
पाहुन राहिलो मी स्तब्धः तिथे
भरली होती तिथं राघुंची शाळा

आमची सुटली त्यांची भरली
भरलेल्या शाळेत राघुंची मस्ती
येताना दिसले राघुंच्या रांगा
येताना चाले त्यांचा मोठा दंगा

आमच्यासारखीच त्याची शाळा
शाळेवर त्यांच्या वेगळीच मजा
खेळ वेगळे,  उपक्रम आगळे
शाळेत त्यांच्या मस्तीचे चाळे

राघुंची शिकवणीत आमचेच धडे
बोल राघु म्हणता, गातोय पाडे
त्यांच्या वर्गाच नाही शांतता
मास्तर करून राहिला आटापिटा

शाळा राघुंची, वेगळीच थाटली
वेगळ्या जगात, जत्रा थाटली
मास्तर शिकवुन थकला बरे
चालली नुसती त्याची पोपटच पंछी😅
=====================
🖋श्रीधर कुलकर्णी

अवकाळी पाऊस

*अवकाळी पाऊस*🌨
--------------------------------
ग्रीष्माच्या तप्त ऊन्हात
गारव्याच्यी एक झुळूक
लाहीलाही पेटलेली कांतीला
शांत करून ती जाई..

सळसळत्या कडक ऊन्हात
अवकाळी पाऊसाचे आगमन
रपरप पडणारे त्याचे थेंब
 विलक्षण गारवा देऊन जाई..

त्राहीत्राही झालेल्या सभोवती
एक आशेचा किरण देऊन जाई
नाही हंडा मडके भरेल पण
थोडी तहान तर भागवून जाईल

थेंबाथेंबात अनुभवास येतोय
अवकाळी पावसाचे  महत्व
नाही गरज त्याची सांगती जन
पण उपयोगास पडतो हा पाऊस

काहिसा दिलासा थोडासा हवासा
नकळत सुखाची अनुभूती देणारा
आटलेल्या विहिरीगत  भावही
आटतात ,लोचनही लुकलुकतात
भर ऊन्हा-तान्हात

वाटत होतं इतके दिवस
तो नाही काही कामाचा
 पण आज त्याच्याच स्मृतींमध्ये
हरवून टाकत होता मला तो मातीचा सुगंध
----------------------------------------
   *🖋 श्रीधर कुलकर्णी*

आग्रह

*आग्रह*
-----------

आग्रह हा तुझा
गोड  मला वाटतो
रूसलीस जरी तु
त्यातही प्रेम दिसतं

अबोल तुझे भाव हे
सांगुन जातात सारे
काय तुझ्या आहे मना
मला सांगतात हे सारे

हट्ट तुझा मला
हवाहवासा वाटतो
तु हट्ट धरली की
त्यातही प्रेम जाणवत

रूसवा फुगवा तुझा
दिसते तु त्यातही गोड
आग्रहात ह्या तुझ्या
प्रेम सखी दिसतं मला

आग्रह हा तुझा
खुप गोड वाटतो
हा जर नसेल तर
अपूर्ण सर्व वाटत
.....

मागणे तुझे असो काही
आटापिटा असतो तो पुर्ण
करण्या,आग्रह तुझा असा की
आवडतो तो मज पुर्ण करण्या........
=≠===========
*श्रीधर कुलकर्णी*

देवा कसे करू वर्णन

*देवा कसे करू वर्णन*
------------------------------

देवा तुझ्या रूपाचे वर्णन
कसे करू मी शब्दात
वाणीही लाजती कराया
तुझे गुण गाण्या मी असमर्थ

तुझे रूप  समोर
 पाहातच बसावेसे वाटते
 ध्यानात  बहुत तुझ्या
मग्न होऊन बसु वाटते

नको काही मज आता
तुच असावा नित्य समोर
हिच इच्छा   एकच माझी
घडावे दर्शन नित्य क्षणोक्षणी

तुझे रूप , तुझी कांती
तुझे स्वरूप ,तुझी महती
तुझ्यात दंग, तुझ्यात मग्न
नाही सुचत दुसरे काही मज
=================
     *श्रीधर कुलकर्णी*

वाटसरू

*वाटसरू*
----------------
मजसी काय माहीत
आहेस तरी तु कोण
आलास कुठून तु
मजसी तरी काय ठाऊक

अनोळखी तु वाटसरू
कुण्या गावचा तु प्रवासी
वाट तु कसा चुकलासी
आलास कसा तु या गावी

पत्ता तु कसा विसरलासी
लक्षात का बर नाही ठेवलासी
अनोळखी तु कुण्या गावाचा
वाट कु कसा चुकलासी
==================
   *श्रीधर कुलकर्णी*

एकटं असावस वाटत..

*एकटं असावस वाटत..*
----------------------------------
कधी कधी जवळ
कुणीच नसावसं वाटतं
आपलं आपण अगदी
 एकट असावसं वाटत.... 

शांत बसुन तुझ्या
विचारात गढून जाऊ वाटत
तुझा विचार यावा म्हणून
एकटं बसावंस वाटत

कधी कधी  असमज
माझ्यात खुप वाढतो
तो दुर करण्यासाठी
एकटं असावंस वाटतं

शांत मन होऊन
तुझे गीत तो गातो
प्रेमाचे गीत हे एेकण्या
एकट बसावसं वाटतं

एकटं बसुन मला
खुप बरं वाटतं
तुझ प्रेम काय आहे
एकटं बसुनच समजत

तुझ्या माझ्या नात्याला
एकटेपणा ही डोर
घट्ट बांधून टाकते मला
एकटेपणाचे  हे क्षण... 
=≠=============
लिखित: - 🖋
         *श्रीधर कुलकर्णी*

तिच माझं नातं

*तिच माझं नातं*
------------------------
तिचं माझं नातं अस असावं
कोवल्या उन्हात जसं सोनेरी फुल फुलावं
वाटत तिन जवळ बसावं
स्वत:शीच गालात हळुच हसावं
जमलंच तर् एखाद गाण म्हणावं
किंवा नुस्तच मुक्याने बोलत रहावं

तिच माझ नात अस असावं….
वाटत तीला जवळ घ्यावं
नुस्तच तीच्याकडे बघत रहावं
मिठीत तीच्या हरवुन जावं
हळुच तीच्या प्रेमाचं अमृत प्यावं

तिचं माझ नातं असं असावं…
माझं सुख तीला सांगावं
दुख तीचं जाणून घ्यावं
हळुच तीच्या कुशीत शिरावं
मोठं होउन सांत्वन करावं

*तिचं माझं नातं असं असावं…*
==================
श्रीधर कुलकर्णी

आई

*आई*
---------

आई, तू आहेस म्हणूनचं माझ्या 
अस्तित्वाचं इथे नांदणं आहे 
संस्कारांच्या असंख्य चांदण्यांनी 
हृदयाच्या आभाळभर गोंदणं आहे 

आई, तुझ्या रागवण्यातही 
अनूभवलाय वेगळाच गोडवा 
तुझ्या मायेच्या नित्य नव्या सणात 
फिका पडतो दसरा नि पाडवा 

आठवतं तापाने फणफणायचो तेव्हां 
तू रात्रभर कपाळावर घड्या घालायचीस 
सर्वत्र दिवे मिणमिणू लागायचे, तरी 
तुझ्या डोळ्यातली ज्योत एकटीच लढायची 

एकदा जरासं कुठे खरचटलो 
आई, किती तू कळवळली होतीस 
एक धपाटा घालून पाठीत 
जख्मेवर फुंकर घातली होतीस 

जख्मं ती पुर्ण बुजली आता 
हरवून गेली त्यावरची खपली 
तो धपाटा, ती फुंकर, ती माया 
ती हरेक आठवण मनात जपली 

आई, किती ते तुझं निस्वा:र्थ प्रेम 
हृद्याच्या किती कप्प्यात साठवू मी 
कितींदा नव्या हृदयाचा संदेश 
देवाकडे क्षणाक्षणाला पाठवू मी 

आई, हजार जन्म घेतले तरी 
एका जन्माचे ऋण फीटणार नाही 
आई, लाख चुका होतील मज कडून 
तुझं समजावनं मिटणार नाही 

आई, करोडोंन मध्ये जरी हरवलो 
तरी तू मला शोधून काढशील 
आई, तुला एकदाच हाक दिली 
तरी अब्जांनी धावून येशील
====================
*काव्यमंच 📝*

माझ्या मनातली‌‌ भावना

*💞माझ्या‌ मनातील भावना..*💞
---------------------------------------
माझ्या मनातील भावना
तु समजुन घेशील कधी..
तुझ्या एका नजरे साठी
असतो सदा मी‌ तुजपाठी
भरकटलेल्या मनाला माझ्या
आणशील का‌ तु वळणावरी
माझ्या मनातील प्रेम भावना
घेशील का तु समजून कधी..
वेडापिसा होऊन फिरलेल्या
हृद्याला मागे वळुन पाहशील
कधी ... अबोल , शांत नजरा माझ्या तुझ्यातच डुबलेल्या असायच्या ...तु कधी पाहशील म्हणुन‌...त्या तडफडत बसायच्या
तडफडलेल्या‌ या‌ जीवाला
समजुन तु  घेशील कधी...त्या
शांत बसावे म्हणुन विचार
याचा करशील कधी..
एकच ध्येय माझ्या जगण्याचे
तुला माझी झालेली बघण्याचे
करण्या माझी  इच्छापूर्ती साठी
तु येशील कधी..पाहिलेलं स्वप्न
साकार करण्या मदत‌ करशील
कधी...
माझ्या मनातील प्रेम भावना
कधी‌  समजून तू घेशील
हृद्याची तु हाक एेकुन येशील तु
कधी..
======================📓
*🖋🖋श्रीधर कुलकर्णी*
14-02-2019...valantine day..

पुलवामा हल्ला

पुलवामा हल्ला

बहरलेल्या नंदनवनात उमटली
काळ्या दिवसाची ‌छाया
मृत्युचा‌ असा तांडव थाटला
क्षणात  बदलली सारी दुनिया

चाळीस वीरांच्या‌ हौतात्म्यात
उमटला‌ तो  एक इतिहास
बघता बघता‌ चित्र पालटले
पुसट झाले‌ धुरात ते..

भ्याड दहशतवादापुढे गेेले
चाळीस जीव अनाहक
सुरक्षा राहली‌ ऐरणीवर..
कुणी निघाला‌ आस्तिन‌चा साप

क्षणात सारे उध्दवस्त  झाले
चित्रे पाहुन अंतकरण तुटले
रडु लागले  आसमंत धरणी
नैत्रातुन अश्रुचे पाट वाहु लागले

मायभुमीचेच लेकरं सारे
एकमेंकाच्या जीवावर उठलेले
माणुसकीला काळीमा फासुन
वेशीवर ते टांगणारे..

युध्दात नाही लायकी‌ म्हणुन
भिकुरड्यांनी औकाद दाखवली
सिंहासोबत लढायची हिंमत नाही
म्हणुन लांडग्यांना जागा समजली..

*श्रीधर कुलकर्णी*

तुला पाहता रे

*तुला पाहता‌ रे*🌹🌹

सुगंध हा फुलाचा घेताना तु दिसे
कैदेत ती छबी , मी ते करे...

झुळुक वाऱ्याची , केसाला छेडे
केस तुझे मला , मनाला छेडे

सुगंध फुलाचा , तुला प्रसन्न करे
तुला प्रसन्न पाहुन, मला शांत वाटे..

तुझा गोडवा , हसण्यातुन दिसे
स्मितहास्यात , मन वेडे झाले..

तुला पाहतच बसावे , निर्धार माझा
तुझे रूप डोळ्यात  ,दिसावे माझ्या...

सखी तुझ्या सोबत , राहण्याचा हट्ट
करतो माझा हृद्य , असा हा निर्धार..

रूपात तुझ्या या, न्हाऊन जाऊ वाटतं
तुझ्या प्रेमात , सर्व न्यौछावर करू वाटत..

किती गोड सखी, दिसतेस तु आज
आज तुझ्या सवे , सर्व विसरून जावं वाटतं..

काय सांगु तुला , हृद्याची घालमेल
मनी उठते काहुरता,दाखवु कसं..

ये सखी तु , तुझीच वाट पाहातो
तुझ्या वाटेवर , डोळे लावुन बसतो..
                   ये सखी ये..
=======================
   *🖋🖋 श्रीधर कुलकर्णी*

माळलेला गजरा

माळलेला गजरा

-----------------

माळलेला गजरा         

         तुझ्या केशात..

त्याला पाहुन         

         मी भुलतो गं.. 

उमललेल्या कळ्या         

         मज भुलवुन .. 

एक एक पाकळी        

          मज साद घालते गं.. 

नुसता पाहु नकोस 

         जवळ ये म्हणतात गं.. 

त्याला पाहुन मन हे       

         त्यातच गुंतुन जातं गं.. 

माळलेला गजरा तुझा          

         मला बैचेन करतो गं.. 

दुर नको राहु सख्या       

         अशी विनवणी करतो गं.. 

असा तुझा हा गजरा       

         मला मोहुन टाकतो गं.. 

सुगंध प्रेमाचा शिंपडून

         मला वेडा करून टाकतो गं

_______________________

कवी  :- श्रीधर कुलकर्णी