राधा -कृष्ण

राधा -कृष्ण
………………………………………………
झाडावर लपून बसला, कृष्ण मुरारी बासरी घेऊन
ठुमकत ठुमकत चालली राधा, कठीवर घागर घेऊन
कृष्णाची नजर राधेवर पडता, छेडल्या बासरीचे सुर
कानावर पडताच ते मधुर स्वर, राधा गेली हरपुन
नकळत फिरली पावले तिचे, निघाली संगीताच्या दिशेने
कृष्णावर नजर पडताच, राधा नाचे आनंदभरात
देहभान विसरून जाऊन, विसरून गेली ती संसार
कर्णमधुर स्वर ते गोड, चराचर जाई त्यात मोहुन
पावा वाजवी तो मुरारी, राधा प्रेमाने नृत्य करी
___________________________
© 📝 श्रीधर कुलकर्णी

सरते वर्ष

सरते वर्ष
_______________________
अस्त होण्याची आली वेळ 
चालु वर्षाची संपली वेळ 
व्हावा आतुर नवा सूर्य 
डोकावून पाहू लागला नववर्ष 

आनंदात गेला हा सरता वर्ष 
वर्षात झाला सुखाचा हर्ष 
नव्याने घडल्या नविन नाती 
प्रेमाने स्थापिल्या या नाती

अनोळखी ही झाले आपले 
नाते आयुष्याते येथे जुंपले 
नात्याने दिले सुखाचे क्षण 
नव्याने घडले सर्व आयुष्य 

नववर्षाचा नवा हा संकल्प 
आनंदाचे क्षण वाटण्याचा
नात्यातील गोडवा जपण्याचा 
असेल माझा हा संकल्प 

सरते वर्षाला करूनी निरोप 
नववर्षाचे करीन स्वागत 
मागणे माझे एकच तयाला 
आनंद मिळो माझ्या जीवनाला ________________________
©📝 श्रीधर कुलकर्णी

होशील तु माझी संगती

होशील तु माझी संगती
__________________
दिसताच  तु समोर
जीव होई स्तब्ध
तूच होशील माझी
हेच आहे प्रारब्ध

आयुष्य तुच माझे
तुझ्यासाठी जगायचे
आयुष्यात जर तूच नाही
जीवन ही वाटे ओझे

होशील तु माझी संगती
जीवनाला मिळे गती
सोडशील तु अर्ध्यावरती
आयुष्य जाईल अधोगती
_____________________
©📝श्रीधर कुलकर्णी

आज माझ्या स्वप्नी

आज माझ्या स्वप्नी 
_______________
तु येताच स्वप्नी
प्रेमाला भरती येई
प्रेमाच्या भरात
प्रेमालाही उसळी येई

आनंदाचे गोड तरंग
भरभरून येई अंतरंग
आज तुझ्यासवे स्वप्नी
होऊन गेलो दंग

प्रेमाचे हे रंग वेगळे
प्रत्येक रंगात कण
वेगळे, स्पर्श होताच
मन माझे न्हाऊन जाते

रंग असे रंग तसे
स्वप्नी माझ्या दिसे
सप्तरंगाची ही दुनिया
स्वप्नी माझ्या असती

तुझ्या प्रेमाचा हा रंग
देऊन गेला माझ्या
आयुष्याला प्रेमरंग
तु आणि मी, रंगलो
आज माझ्या स्वप्नी
___________________
🖊©📝श्रीधर कुलकर्णी

मन झाले वेडे

मन झाले वेडे 
_____________--

मन झाले वेडे आज
मनाला काही कळेना
इकडे तिकडे फिरते
त्याला आज काय
काही कळेना

मागतो काय, पाहीजे काय
काही बोलायावसं नाही
तयार, काय झालं काय
नाही, काही आज समजेना

पांखरासंगे फिरतो, फुलासंगे
बहरतो,
होतो वेडापिसा, हसतो कसा
काही केल्या समजेना, काय
झालं काही कळेना

फिरतो फक्त सैरावैरा
सोडुनी सर्व बंधने
एक बंधनात अडकूनी
झाला तो वेडापिसा

झालं आज त्याला
लागले आज त्याला
लागले प्रेमाचे वारे
आले प्रितीचे शहारे

🖊🖊 © 📝 श्रीधर कुलकर्णी

विरह हा वाटेचा

विरह हा वाटेचा
…………………………………
धरला का तु हा अबोला
असा काय केला गुन्हा
प्रेम केले मी जिवापाड
तरी केलेस का नजरेआड

तुझ्यासवे जगण्याचा
केला होता मी निर्धार
तुझ्यासवे चालण्याचा
होता माझा हा ध्यास

हातात घेऊनी हे बंध
ओढावा हा प्रेमाचा रथ
पण अर्ध्यावरती सोडुन
का केला हा प्रेमभंग

होतीस तु मनी, स्वप्नीही तु
तुच दिसे मज, सर्वबाजुही तु
विरहाचे ते घोट पाजुनी
काय भेटले असे तुला!

गेलीस तु तोडुनी रेशमीबंध
केलेस तु मज प्रेमातुन मंद
चालावे, बागडावे,हाच होता
ध्यास, वाटेतच हात सोडुनी
 दिला मज कसला हा शाप ?
……………………………………
© 📝श्रीधर कुलकर्णी

आकाशीचा रंग जणू
लागला माझ्या स्वप्नात
स्वप्न ही रंगले, मन ही
रंगले, वाटे आकाशाचा
श्वास मी

धुंद आकाशात फिरावे
प्रेम वर्षाव सोडावे
नकळत भाव जागावे
प्रीत सर्वावरी सोडावे
________________
©📝 श्रीधर कुलकर्णी 

सहचारिणी

सहचारिणी 
…………………
सुंदरता ही मनाची,
 नसावी ती तनाची
अंतिम श्वासाची साथी,
 असावी अशी सोबती
संकटात धीर देणारी,
हवी अशी साथ देणारी
नसावा भंगाचा विचार,
असावा फक्त प्रेमाचा सागर
करूनी नातेबंधनाचे ,
करावा सोन्याचा संसार
अशी चारिणी हवी मला,
मरूनी कीर्ती उरावी अशी
___________________
©🖊📝 श्रीधर कुलकर्णी 

सर्व देहभान विसरून जावे

सर्व देहभान विसरून जावे 
…………………………………
कधी कधी वाटे मला
आकाशी पक्षी बनून उडावे
आपल्याच धुंदीत राहुनी
सर्व देहभान विसरूनी जावे

स्वत:शी बोलावेसे वाटे मला
आरशात पाहुन हसावेसे वाटे
एकटक स्वतःशी बघुन, सर्व
देहभान हरपुन जावे

चालावे उगीच तिथेच थांबावे
तिथेच तिच्यात डुबुन जावे
रस्त्यावरच्या मोहक धुक्यात
सर्व देहभान विसरून जावे

एका जागी बसुन स्तब्ध
तिच्याच स्वप्नात रंगुन जावे
तुझ्यावर प्रेम करताना
सर्व देहभान विसरून जावे
………………………………………
©📝श्रीधर कुलकर्णी 

कलियुग

कलियुग
------------------------------------
कलिच्या राज्याचा अधर्माचा नारा
जागोजागी वाहतो पापाचा वारा
भ्रष्टाचार ची गाठली ही चरमसीमा
कलिच्या छायेत भलेभले गेले कोमात
आपलेही आणतात खोटेपणाची आव
दाखवतात वरवर नात्यांचा बाऊ
कलिने मोडले माणुसकीचा पाठ
सहन करावा लागतो चोरांचाही थाट
वाट बघता त्या सुर्योदयाची आतुरतेने
यावा अवतार धर्माचा कराया अधर्माचा
नायनाट
_______________________
©🖊📝 श्रीधर कुलकर्णी 

क्षण सायंकाळचा

क्षण सायंकाळचा
__________________
रम्य अश्या सायंकाळी
पक्ष्यांचा किलबिलाट एेकु
येई, थकवे मनाचे दुर होऊन
अलगद प्रेमाचा स्पर्श होई

क्षण हा वाटे मला सोनेरी
जीवन तो रंगमय बनवी
सूर्याच्या किरणात न्हाऊन
क्षण हे मी सार्थक करी

गुलाबी गुलाबी ही हवा
स्पर्श मजला अलगद करी
रोमरोम माझे प्रसन्न होऊन
आनंदाला माझ्या उधाण येई

सैरवैर धावती पाखरांचे थवे
जीवनातले क्षण हे असे हवे
हवा तो क्षण हा मजला
त्यात जीवनाचा आनंद कळे

क्षणाक्षणातले जीवन हे
जीवनातला हा प्रेम क्षण
या क्षणाचा हा आनंद
आहे तो क्षण परमानंद
____________________
©🖊📝श्रीधर कुलकर्णी 

विरह हा कसा

😞 विरह हा कसा 😔 
……………………………………
आपले म्हणून जवळ केले
प्रेमसागरात न्हाऊन सोडले
एवढे प्रेम करून माझ्यावर
मग असे अचानक का सोडले

कोणता गुन्हा केला मी
काय अक्रित वागलो मी
तुझ्या या प्रेमासाठी मी
सर्व  सोडुन   दिले   मी

मनात माझ्या होती तुच
स्वप्नात ही होतीस तुच
तुच होतीस माझ्या मनी
जिवातला जीव ही होतीस

केला नाही कुणाचा विचार
पाहिले नाही कुणाच्या डोळ्यात
तुझ्या शिवाय जगण्याची
कल्पना नाही केली आयुष्यात

काय घडले काही समजेना
तुझे वागणे काही उमजेना
का धरला तु हा अबोला
विरहात का सोडुन दिले मला

अायुष्य कसे घालवू कळेना
मन कसे वळवु ते वळेना
जरी तु काढून टाकलीस हृदयातुन
तरी मी तुझी येण्याची वाट पाहीन ……
………………………………………
©🖊📝 श्रीधर कुलकर्णी 

तुझा माझा संसार

तुझा माझा संसार 
……………………
प्रवास हा दोन मैलाचा
तुझ्या माझ्या संसाराचा
वाटेवर संग चाले माझ्या
सोबत तुझी या प्रेमाची

दुर दुर चा हा प्रवास
वाटे तोही मज सुखकर
सुखाच्या या वाटेवर
घडावा आपला संसार

क्षणोक्षणीची ही चाल
पदोपदीची ही वाटचाल
तुझ्या माझ्या या वाटेवर
असावा प्रेमाचा संसार

जिथे तुझा असेल थांबा
तिथेच माझा असे विसावा
तुझ्या माझ्या संसाराला
असुदे सदैव प्रेमळ माया..
……………………………………
© 📝 श्रीधर कुलकर्णी 

धर्म

धर्म 
______________
करावे असे कर्म,
प्रसारित करावा धर्म
सर्वाना आपलेसे करून
मदत करावी सहर्ष

घडवावा संस्कारी समाज
सोडावा वाममार्गाचा प्रवास
घेऊनी हा धर्माचा विडा
रोवावा हा त्रिलोकी झेंडा

विसरून जावे मतभेद
सोडुनी द्यावा भेदभाव
माणुसकीच्या या नात्यावर
शोधावा हा देवपण

संस्कृतिचा धरा धागा
पोहचवावा तो दाहीदिशा
करावा फक्त एकच ध्यास
बांधु धर्माची एकच कस..
____________________
©🖊 📝श्रीधर कुलकर्णी

विनवणी

विनवणी 
………………………………………
काय करावे काही कळेना
संघर्ष काही कमी होईना
अथक परिश्रम ही करून
कष्टाचे घाव ही सोसुन
विचाराची केली दिवाळी
तरी प्रपंच हा झाला दुष्काळी
घामाचे करूनी पाणी पाणी
हातात पडेना कष्टाचे नाणी
राबराबुनी झाले अंगाची काठी
तरी घरी राहील्या रिकामी वाटी
पोटभर अन्नासाठी वणवण चालावे
मुठभर शीतासाठी भीक मागावे
असा कसा हा संसार देवा
तुझ्याच राज्यात मी उपाशी देवा
डोळे उघडुन बघ तु मला
मदतीला माझ्या धाव जरा
नको भीकेची रोटी मला
नको फुकटची पोळी मला
एकच फक्त निवेदन तुला
माझ्या कष्टाचे सोने होऊ दे
 आता.....
………………………………………
© श्रीधर कुलकर्णी 

*विनवणी*
………………………………………
काय करावे काही कळेना
संघर्ष काही कमी होईना
अथक परिश्रम ही करून
कष्टाचे घाव ही सोसुन
विचाराची केली दिवाळी
तरी प्रपंच हा झाला दुष्काळी
घामाचे करूनी पाणी पाणी
हातात पडेना कष्टाचे नाणी
राबराबुनी झाले अंगाची काठी
तरी घरी राहील्या रिकामी वाटी
पोटभर अन्नासाठी वणवण चालावे
मुठभर शीतासाठी भीक मागावे
असा कसा हा संसार देवा
तुझ्याच राज्यात मी उपाशी देवा
डोळे उघडुन बघ तु मला
मदतीला माझ्या धाव जरा
नको भीकेची रोटी मला
नको फुकटची पोळी मला
एकच फक्त निवेदन तुला
माझ्या कष्टाचे सोने होऊ दे
 आता.....
………………………………………
*© 🖊 श्रीधर कुलकर्णी