Friend Request (FB)

 पाठवलीय फ्रेंड रिक्वेस्ट

राग तुम्ही मानु नका

हेतु फक्त नितळ मैत्रीचा

गैरसमज तुम्ही करू नका

माध्यम हे आहे चांगले

आचारविचार प्रदानाचे

दोन शब्द आपलेपणाचे

सुरूवात नव्या पर्वाचे

आहे जितके चांगले

तितकेच हे वाईटही

विश्वासाच्या आधारे

जपावें इथले बंध हे

इथे सर्वच चांगले

विश्वास हाची दागिना

ठेवावा तो जपुन

तोडु नये हाची गहना

नितळ मैत्रीचा हे बंध

कास धरून चालावे

बांधलेल्या प्रत्येक नात्याला

आपुलकीने ते जपाने.. 

सांगणे एकची मत माझे

धरलेली  कास ती जपावी

म्हणे "श्रीधर" बांधव तुमचा

जपावे नाते आपुलकीने

===============

 🖋 स्वलिखित :- 

         श्रीधर कुलकर्णी, लातुर

अटलजी :- एक कवीफुल

 *अटलजी :- एक कवीफुल*

--------------------------------

फुलांच्या माळेतुन

एक फुल गळाले

देवाच्या द्वारी जाऊन

तिथेत ते विसावले

त्याच्या जाण्याने

सुगंध ही विरला

तो असा जाण्याने

पाऊसही रडु लागला

गेला सोडुन तो

आपल्या बागेला

गेला पण तो 

पाकळ्या सोडुन गेला

अस्तित्व त्यांचे आता

राहिले नाही ..

गुंफलेल्या शब्द माळा

इथेच सोडुन गेला..

आठवणींचे धुक्यात 

त्याची छबी उमटली

शब्द सुमनांच्या माळेत

तो उमटुन गेला..

गेला तो अचानक

दुखाचे आभाळ दाटले

पण जाता जाता 

काव्यात अजरामर राहिले..

=================

  *✒श्रीधर कुलकर्णी*

आग्रह

 *आग्रह*

-----------

आग्रह हा तुझा

गोड  मला वाटतो

रूसलीस जरी तु

त्यातही प्रेम दिसतं

अबोल तुझे भाव हे

सांगुन जातात सारे

काय तुझ्या आहे मना

मला सांगतात हे सारे

हट्ट तुझा मला 

हवाहवासा वाटतो

तु हट्ट धरली की 

त्यातही प्रेम जाणवत

रूसवा फुगवा तुझा

दिसते तु त्यातही गोड

आग्रहात ह्या तुझ्या

प्रेम सखी दिसतं मला

आग्रह हा तुझा 

खुप गोड वाटतो

हा जर नसेल तर

अपूर्ण सर्व वाटत

.....

मागणे तुझे असो काही

आटापिटा असतो तो पुर्ण

करण्या,आग्रह तुझा असा की

आवडतो तो मज पुर्ण करण्या........ 

=≠===========

*श्रीधर कुलकर्णी*

बिकट अवस्था

 *बिकट अवस्था*

शांत, निरव , रात्रीच्या या शांततेत 

शब्दाचा कल्लोळ मनी थाटतोय

डोळ्यातून अश्रुं वाहुन माझी अवस्था 

ओरडु ओरडु सांगण्याचा प्रयत्न करतोय.... 

माझे मन कधी तु ओखळशील म्हणुन

तो आकांताने रडुन तीळतीळ मरतोय

तुझ्यात गुंफण्या तो तुला साद देतोय.. 

रात्रीच्या प्रहरीत चांदण्याकडे  पाहायचो

त्यात तुझेच  स्वरूप पाहुन खुश होयचो

जवळ तु असूनही, तु दुर का वाटायची 

ती दुर असूनही, डोळ्यात उमटलेली का दिसायची 

खुप काही बोलायचे असते पण राहुनच जाते.. 

बघ माझ्याकडे, मजबुरी ओळख तु

तडफड, तळमळ हृदयाची जरा पहा तु...

तु समोर दिसुनही, हिंमत अर्धमेली का होयची

धाडस करावं म्हटलं तरी, 

 भितीचे गोळे पोटात का येयचे

मजबुरी, त्रास तुला दाखवु तरी कसा गं

जेव्हा चंद्र एकटाच फिरतो रात्री आकाशी गं...... 

*😥 श्रीधर कुलकर्णी*

वाटसरू

 *वाटसरू*

----------------

मजसी काय माहीत 

आहेस तरी तु कोण

आलास आहेस कुठून तु

मजसी तरी काय ठाऊक.. 

अनोळखी तु वाटसरू

कुण्या गावचा तु प्रवासी

वाट तु कसा चुकलासी

आलास कसा तु या गावी.. 

पत्ता तु कसा विसरलासी

लक्षात का बर नाही ठेवलासी

अनोळखी तु कुण्या गावाचा

वाट तु कसा चुकलासी.. 

==================

   *श्रीधर कुलकर्णी*

हवयं निमित्त मला

*_हवयं निमित्त मला.._* 
----------------------------

हवय  निमित्त मला..
     तुझ्याकडे येण्याचं
हवय  निमित्त मला ..
     तुझ्या स्वप्नात गुंतण्याच
हवय निमित्त मला..
     तुझ्यात हरवुन जाण्याच
हवय निमित्त मला..
     तुझ्या सोबत भांडण्याचं
हवय निमित्त मला ..
     तुझे रूप सजवायचं
हवय निमित्त मला..
     तुझ्या कुशीत झोपायचं
हवय निमित्त मला..
     तुझे वर्णन करण्याचं
हवय निमित्त मला..
    तुझ्यासाठी धडपडण्याचं
हवय निमित्त मला..
     तुझ्या प्रेमात वाहण्याचं
हवय निमित्त मला..
     तुझे रूप ओठी गिरवायचं
हवय निमित्त मला..
        तुझ्यावर कविता करण्याचं..
------------------------------------------
*....🖋 श्रीधर कुलकर्णी......*

लपंडाव पावसाचा ☁

लपंडाव तो पावसाचा
खेळ त्याचा काही थांबेना
आसुसलेल्या धरतीला
किव त्याला काही येईना
ये ये म्हणता आभाळ येते
हुलकावणी हळुच देऊन
दुर कुठतरी जाऊन दडते
लालच मनाला लावून तो
पुन्हा निराशा देऊन जातो
चिंब चिंब भिजण्यात 
सारी धरती झाली स्तब्ध
आला आला डोईवर म्हणता
पळुन जातो तो कुठतरी
खेळ हा त्याचा चाले रोज
पण आर्त स्वरातुन दाटे
पुन्हा वाहते पाणी डोळ्यातून
पुन्हा वाहते पाणी डोळ्यातून.. 😢
---------------------------------------|
🖋🖋  श्रीधर कुलकर्णी