मोकळा श्वास

मोकळा श्वास
…………………………

बसलो मी आज निवांत
परिसर ही होता निरवशांत
सर्वापासुन वेगळा हा क्षण
घेत आहे मी आज मोकळा
श्वास

दिवसभराची ती धावपळ
कामाची ही सदा पळापळ
प्रत्येक क्षण ही वाटे बंधन
सोडून सर्व आज घेत आहे
मोकळा श्वास

आरडाओरड नेहमी प्रपंचाची
बाहेरही तणाव तो नेहमीचा
सर्वाना सोडून मागे आज
घेत आहे आज मी मोकळा
श्वास

आलो सर्वापासुन आज दूर
नावावर करुन एक दिवस
सोडुन ती कटकट नेहमीची
घेत आहे आज मी सुखाचा
*मोकळा श्वास*
……………………………
©🖊 श्रीधर कुलकर्णी