श्री. ची कविता :२

    श्री.. ची कविता...२..

-----------------------------------       

    ✨.. झुमका .. ✨

हळुच माझ्याकडे बघुन सखी

काय दाखवण्याचा प्रयत्न तुझा

केश सारून, मान फिरवून 

 कानातले झुमके तर नव्हे..

ज्याला सोनेरी गोलाकार झालर

त्यावर शोभते मोत्यांची माळ

शोभनिय ती तुझ्या चेहऱ्याची.

हीच तर नव्हे किमया झुमक्याची... 

एक मोती तो खाली  लटकणारा

तुझ्या रूपाची तो महती सांगणारा

हळुच झुळुकासंग तो बहरणारा

त्याला पाहता मी घायाळ होणारा..

हळुच नकळत प्रयत्न दाखवण्याचा

त्यात पुरता  मी मोहुन जाण्याचा

तुझ्या डुलत्या झुमक्यामध्ये मी

नकळत त्याच्यासंगे डोलणारा.. 

झुमक्याची ही किमयाच न्यारी

उजळते अजुन ही सौंदर्यंवारी

झुमक्यात तुझ्या मोहरला श्री 

 नकळत केली त्याने झुमका वारी

 🌹

====================

  लेखन :श्रीधर कुलकर्णी..🖋