माझा सखा पांडुरंग

🌹 माझा_सखा_पांडुरंग 🌹
----------------------------------------
घडावे नित्यनेमी दर्शन
सख्या माझ्या पांडुरंगा
घडावे स्मरण क्षणक्षण
सख्या माझ्या पांडुरंगा

उताविळ माझे मन रे
झाले भेटण्या अधीर रे
ओढ लागली तुझी रे
सख्या माझ्या पांडुरंगा

माथा ठेवुन चरणी तुझ्या
भक्तीत न्हाऊन जाऊ वाटे रे
अंत आता नको पाहु रे आता
सख्या माझ्या पांडुरंगा

अभंगात तुझी दिसे छाया
वारकऱ्यात नाचे तुझी काया
निराकार माझा परब्रह्म सगुण
असा सखा माझा पांडुरंग

जैसा भक्तीभाव मनी दाटला
तैसा तू उद्धारी हा आत्मा
पदरी पाप सामावुन घेणारा
असा माझा सखा पांडुरंग..

पांडुरंग कीर्तनी दंगलो मी
गोविंद चरणी रंगलो मी
अभंगात तुझ्या गुंतुन गेलो
सख्या माझ्या रे पांडुरंगा

म्हणे श्रीधरा..सकळ जनासी
करावी भक्ती निस्वार्थ मनानी
असा पांडुरंगा हा आपला सखा
देव नाही वाटतं,वाटतो तो सखा
===================
अधिकृत लेखन:- श्रीधर कुलकर्णी*
०१०१२०१८१२१०८९
====================