सुंदर रूप

         सुंदर_रूप
-------------------------------------
सखे तुझे रूप पाहता लोचनी
झालो तृप्त मी गं , या जीवनी
रूपाचे तुझे गं करतो ,  नैत्रपान
तुप्त होऊन गेलो मी , या जीवनी
नयनात तुझ्या मोहकताचे पाश
बांधुनी गेलो तुझ्या या पाशात
तुझे रूप पाहता झालो तल्लिन
कसा सावरू आता,मी जीवनी गं
रूपेरी कांती तुझी , सोनेरी गं छटा
चांदणी चमचमती ,तशी तुझी काया
गालावर खुलते लालीची गं कळी
दिसे रूप सुंदर , पडे जेव्हा खळी
राणी तु रूपाची , कौतुकाचा मी राजा
रूप वर्णन करण्या, उताविळ मन माझे
वाटे तु गं परी , गोड राणी तु गोजिरी
पाहुन मला पटकन , होते लाजलाजिरी
असे रूप तुझे , माझी प्रिय सखी
शब्दही अपुरे पडती , माझ्या या मुखी
मुखातले शब्द अन् नयनीचे भाव गं
एेक काय सांगते , माझे गं प्रेमभाव..
तुच माझी प्रेरणा, चेतना या देहाची
तुच या  जीवाची ,  प्राण गं सजणी
तुझ्यातच माझे..असे  काव्य मोती 
तुझ्यातुनच बनते ,कविता गं श्री..ची..
=======================
*लेखक :- श्रीधर कुलकर्णी*
=======================