🚩 वारी 🚩

 🌹🌺     वारी    🌺🌹

जीवनात करावी, एकदा तरी वारी
जोवर शरीरात चालते, प्राण सवारी
मंत्रमुग्ध होऊन, घे तु याचा सुवास
करावी वारी, चाले जोवर हा श्वास.. 

टाळ चिपळ्यात दुमदुमतो, वारीचा गजर
एकदा तरी राहा तु या सोहळ्यात हजर
श्वास आहे त्योवर, घडावी ही वारी
पाहावा सोहळा हा, आहे श्वास त्योवरी

दुमदुम  नाचतो तिथे, आनंदात वारकरी
विसरून जातो , देहभान सर्व हरवुनी
पाहावा सोहळा, जीवनी या एकदा तरी
अनुभवावी ही, मोक्षमुक्तीची ही वारी

            श्रीधर कुलकर्णी