जास्वंद

 🌺. जास्वंद 🌺
--------------------------
मनोहर रूप कांती सुरेख
लालसर रंग मोहक सुंदर
पाहातेस जेव्हा माझ्याकडे
होते आकर्षित  माझे मन

रंग तुझा लाल तर कधी पांढरा
रंगबिरंगी रंगात दिसे तु सुंदर
प्रेमरंगात न्हाऊन निघालेली
अशी तुझी मनमोहक छबी..

गणरायाला आवडती  तु
डोईवर शोभे  त्याच्या तु
खुलते रूप त्याचेही असे
असते जेव्हा जवळ तु..

फुललेली हसरी हळुच लाजती
लाललाल गाली मधीच खुलती
हातात घेऊन तुला बसावे पाहत
अशी विलोभनीय तु सखी जास्वंद..
🌺
======================
*🖋 श्रीधर कुलकर्णी*